महेन्द्रनगर २० असार ।
कञ्चनपुरमा युवतीसंगै नहरमा हाम फालेका युवक मृत फेला परेका छन्।
शुक्रबार बिहान ११ बजे जिल्लाको भीमदत्त नगरपालिका वडा नम्बर १ भाँसीमा युवतीसंगै हाम फालेका भीमदत्त नगरपालिका वडा नम्बर २ उल्टाखामका २३ वर्षीया राकेश चौधरी मृत फेला परेका हुन् ।
जिल्ला प्रहरी कार्यालय कञ्चनपुरका प्रवत्ता प्रहरी नायव उपरिक्षक अमरवहादुर थापाले हाम फालेको ठाउँभन्दा १०, १२ मिटर पर उनको शव फेला परेको बताए ।
चौधरीले महुलियाकी १९ वर्षीया रेनु चौधरीसंगै नहरमा हाम फालेका थिए ।
स्थानीयले उनीहरुलाई हाम फाल्न देखेपछि युवतीको उद्दार गरेका थिए । उनीहरु दुवैजनाबीच प्रेम सम्बन्ध रहेको खुलेको छ ।
युवती ओभरसेर अध्ययन गर्दै आएका थिईन् । भने युवक नेपाली सेनामा कार्यरत थिए ।
