महेन्द्रनगर । कञ्चनपुरको महेन्द्रनगर स्थित आदर्श विद्या निकेतन माध्यमिक विद्यालयद्धारा आयोजित इभोलुसन फेस्ट आज (सोमबार) एक कार्यक्रमका बिच सम्पन्न भएको छ । उक्त फेस्टमा यातायात,मानव बस्ति,मानव सभ्यता,मुद्रा,युद्ध,शिक्षा,स्वास्थ्य लगाएतको क्रमिक विकासको मोडेल प्रदर्शनि गरिएको आदर्श विद्या निकेतनका प्रधानाध्यापक डा. भोजराज पन्तले बताए ।
उनका अनुसार नारी दिवस तथा विद्यालयको वार्षिक उत्सवका अवसरमा आयोजना गरिएको इभोलुसन फेस्टको उद्देश्य विद्यार्थीहरुमा यातायात,मानव,मानव बस्ति,शिक्षा,स्वास्थ्य, विद्युत,युद्ध,मुद्रा लगाएतको क्रमिक विकास वा पहिले कस्तो थियो,अहिले कस्तो छ र भविष्यमा कस्तो हुन्छ भन्ने कुराको प्रयोगात्मक ज्ञान प्रदान गर्नु हो ।
‘विद्यार्थीहरुले यो फेस्टको लागि भएपनि धेरै कुराको खोज अनुसन्धान गरेका छन् ।’ डा.पन्तले भने ‘जसले गर्दा विद्यार्थीहरुलाई खास गरी विभिन्न कुराको इतिहास बारे थाहा भएको छ भने ती कुरा भविष्यमा कस्तो हुन सक्छन भन्ने उनिहरुले परिकल्पना गरेका छन् ।’
आइतबार देखी सञ्चालन भएको इभोलुसन फेस्टमा १३ वटा विद्यालयका ८९ जना विद्यार्थीले २३ वटा मोडेलको प्रदर्शनी र आदर्श विद्या निकेतनका ९३ जना विद्यार्थीले ५० वटा मोडेलको प्रदर्शनी गरेका थिए ।
उक्त इभोलुसन फेस्टमा डायमण्ड पब्लिक स्कुलका विद्यार्थीले प्रदर्शन गरेको यातायातको क्रमिक विकास मोडेल प्रथम,सनराइज पब्लिक स्कुल र लिटिल बुद्ध एकेडेमीका विद्यार्थीले प्रदर्शन गरेका क्रमश मुद्रा र मानव बस्तिको क्रमिक विकास मोडेल द्धितीय र विस्डम एकेडेमीका विद्यार्थीले प्रदर्शन गरेका मानव सभ्यताको क्रमिक विकास मोडेल तृतिय भएको डा. पन्तले बताए ।
प्रथम,द्धितीय र तृतिय हुने विद्यालय तथा विद्यार्थीहरुलाई शिल्ड,प्रमाणपत्र लगाएतका पुरस्कार वितरण गरिएको छ ।
आयोजकका अनुसार इभोलुसन फेस्टको जर्जमा भीमदत्त नगरपालिका शिक्षा शाखा प्रमुख हरीदत्त जोशी,पूर्व शिक्षा अधिकारी देविदत्त भट्ट,पूर्व सासंद आनन्दि पन्त, डा. भोजराज पन्त र डा.भवानीदत्त जोशी रहेका थिए ।
उक्त कार्यक्रमको उद्धघाटन भीमदत्त नगरपालिका शिक्षा शाखा प्रमुख हरिदत्त जोशीको प्रमुख आथित्यतामा गरिएको थियो भने समापन पूर्व सासंद आनन्दि पन्तको प्रमुख आथित्यता गरिएको आदर्श विद्या निकेतनले जनाएको छ ।
फोटोहरु:
