महेन्द्रनगर । कञ्चनपुर जिल्लामा प्लास्टिकका झोला, पिलेट, गिलास र गुट्खा बिक्रीमा रोक लगाइएको छ। सोमवारको जिल्ला सभाबाट कञ्चनपुरमा प्लास्टिकका झोला, पिलेट, गिलास र गुट्का बिक्रीमा रोक लगाउने निर्णय गरिएको हो।
भीमदत्त नगरपालिकाका नगरप्रमुख पदम बोगटीले समन्वय समितिको जिल्ला भेलाबाट प्लास्टिकजन्य बस्तु बिक्रीमा रोक लगाउने निर्णय भएको बताए। उनले भने, ‘जिल्ला समन्वयको जिल्ला सभाबाट सातवटा नगरपालिका र दुई गाउँपालिकामा एक महिना समय दिने, एक महिनापछि भने पूर्ण बन्देज गर्ने भनेर हिजो पारित गरेका छौ।’
नगर प्रमुख बोगटीका अनुसार जिल्लाका सबै स्थानीय तहमा प्लास्टिकका झोला, पिलेट, गिलास र गुट्खा बिक्रीमा रोक लगाइएको हो। जिल्लामा ३० दिनपछि प्लास्टिक प्रयोगमा पूर्ण रोक लगाइने बोगटीले बताए। कुनै पनि प्लास्टिकका झोला र गुट्खा जिल्लाभित्र बिक्रीवतरण गर्न नपाउने गरी निर्णय भएको बताइएको छ।
कञ्चनपुरमा प्लास्टिकका झोला र गुट्खा बिक्री वितरणमा प्रतिबन्ध
