सुरेश गिरी
महेन्द्रनगर । सुदूरपश्चिमकै शैक्षिक क्षेत्रमा छुट्टै पहिचान बनाउन सफल महेन्द्रनगरको लिटिल बुद्ध एकेडेमी ‘स्कुल अफ दी ईयर–२०२५’ बन्न सफल भएको छ । लिटिल बुद्धले ‘स्कुल अफ दी ईयर बनेसँगै युएईमा एसिया–नेपाल अन्तरराष्ट्रिय अवार्ड प्राप्त गरेको छ ।
आईतबार युएईमा आयोजित समारोहमा लिटिल बुद्धका प्रिन्सिपल श्याम सिंह मौनीले अवार्ड ग्रहण गरे । प्रिन्सिपल मौनीले अवार्ड ग्रहणपछि यो शिक्षक, विद्यार्थी र अभिभावक सबैको साझा उपलब्धि भएको बताएका छन् । उनले विद्यालयलाई उचाई पु¥याउन योगदान गर्नुहुने सबैमा धन्यवाद समेत ज्ञापन गरे ।
शैली मिडिया नेटवर्कले युएईको दुवैईमा कार्यक्रम आयोजना गरि विभिन्न क्षेत्रका उष्कृष्ट विद्यालयलाई अवार्ड प्रदान गरेको हो । देशकाे शिक्षा र समाजिक क्षेत्रमा उत्कृष्ट याेगदान पुर्याएकाे भन्दै लिटिल बुद्धलाई सम्मानित गरिएको हाे ।
विज्ञान र व्यवस्थापन संकायको अध्यापन हुने लिटिल बुद्धमा प्लटूतर्फ मात्रै दुई हजार पाँच सय बढी विद्यार्थी अध्ययनरत रहेका छन् । विद्यालले शैक्षिक गुणस्तरमा फड्को मार्नुका साथै भौतीक पुर्वाधार विकासमा पनि जोड दिएको छ ।