महेन्द्रनगर २७ जेठ ।
सुदूरपश्चिमका पुनः सञ्चालनको तयारी र बन्द अवस्थामा रहेका विमानस्थलको मंगलवार निरीक्षण गरिएको छ । नागरिक उड्डयन प्राधिकरणको प्राविधिक सहितको टोलीले सुदूरपश्चिमका उक्त विमानस्थलको निरीक्षण गरेको हो ।
टोलीले बैतडीको पाटन, दार्चुलाको गोकुलेश्वर, बझाङको चैनपुर र डोटीको दीपायल विमानस्थलको हवाई निरीक्षण गरेको हो ।
सुर्खेतबाट आएको नेपाली सेनाको जहाजले ती सबै विमानस्थलको हवाई निरीक्षण गरेको थियो ।
पाटन, चैनपुर र दिपायल विमानस्थल कालोपत्रे भएर परीक्षण उडानका लागि तयारी अवस्थामा रहेका छन् भने गोकुलेश्वर विमानस्थल भने बन्द(कालोपत्रे नभएको) अवस्थामा रहेको छ ।