महेन्द्रनगर १४ भदौ । सुदूरपश्चिमाञ्चल विश्वविद्यायलले आउदाँे अशोजबाट परिक्षा सञ्चालन गर्ने भएको छ । विश्वविद्यालयले कोरोना संक्रमणको महामारी र लगडाउनका कारण विद्युतीय माध्यमबाट परिक्षा सञ्चालन गर्ने भएको हो ।
विश्वविद्यालयका रजिष्ट्रार डा. गोविन्दसिंह विष्टले अनलाईनबाटै विद्यार्थीको परिक्षा गर्न तयारी अन्तिम चरणमा रहेको बताए । उनका अनुसार कोरोना संक्रमण कहिलेसम्म रहने अनिश्चत भएपछि शैक्षिकशस्त्र खेर जान नदिन अनलाईन परिक्षा गर्न लागिएको हो ।
विश्वविद्यालयले आईतबार सुचना जारी गर्दै सबै परिक्षा अनलाईनबाट गर्ने तयारी भईरहेकाले विद्यार्थीलाई तयारीमा जुट्न आग्रह समेत गरेको छ ।
सुचनामा अशोजदेखि विद्युतीय माध्यमबाट परिक्षा सञ्चालन गर्र्ने निणर्य भएको भन्दैँ विश्वविद्यालयले आफु अध्ययनरत क्याम्पस र विभागसँग सम्पर्क गरि परिक्षाको तयारी जुट्न विद्यार्थीलाई सुचित गराएको छ ।
रजिष्ट्रार विष्टका अनुसार अनलाईन परिक्षामा सहभागी हुन नेटवर्क समस्या भएका विद्यार्थीका लागि आईसिटी सेन्टरको स्थापना भईरहेको छ । घरबाटै अनलाईन परिक्षामा सहभागि हुन नसक्ने परिक्षार्थीले आईसिटी सेन्टरमा गएर परिक्षा दिन सक्नेछन् । आईसिटी सेन्टरको लागि ६ विभाग र १५ वटा क्याम्पसलाई आवश्यक बजेट पठाएर व्यवस्थापन लाग्न निर्देशन गरिएको उनको भनाई छ ।
त्यस्तै अनलाईन परिक्षाका लागि विश्वविद्यालयले सिकाई व्यवस्थापन प्रणाली नामक सफ्टवयर समेत निर्माण गरिएको जनाएको छ । सफ्टवयरमार्फत परिक्षार्थीलाई व्यक्तिगत ईमेलमा प्रश्नपत्र पठाईने छ । परिक्षार्थीले तोकिएको समय अवधिभित्र उत्तरपुस्तीका स्क्यान गरि ईमेलमार्फत परिक्षा नियन्त्रण कार्यालयलाई पठाउनु पर्नेछ ।
‘कोरोनाको महामारी कहिले सम्म रहन्छ भन्ने टुङ्गो छैन्, यसलाई पर्खेर बसे शैक्षिकशस्त्र खेर जान्छ ।’ रजिष्ट्रार विष्टले भने ‘विश्वविद्यालयले शैक्षिकशस्त्र खेर जान नदीन र अनलाईन सिकाई प्रणालिको विकास गर्न विद्युतीयमाध्यमबाट शिक्षण र परिक्षा सञ्चालन गर्ने तयारी गरेको हो ।’
अनलाईन परिक्षका लागि तयारी गर्न विद्यार्थीलाई निर्देशन दिदैँ रजिष्ट्रार विष्टले सहयोगका लागि अभिभावक, बुद्धिजिवि लगायतका सरोकारवाला निकायलाई आग्रह समेत गरेका छन् ।
यस्तो छ सुचना
