महेन्द्रनगर । कञ्चनपुरमा कोरोना भाइरसका कारण मृत्यु हुनेको संख्या १ सय ५१ पुगेको छ । जिल्लामा सोमबार थप जना संक्रमितको मृत्यु भएको छ ।
स्वास्थ्य कार्यालय कञ्चनपुरको तथ्याङक अनुसार जिल्लाको भीमदत्त नगरपालिका–११ की ६५ वर्षिया महिला,वडा नम्बर ५ का ३५ वर्षिय पुरुष,बेलौरी नगरपालिका–१ का ४५ वर्षिय पुरुष, वडा नम्बर ६ की ५४ वर्षिया महिलाको मृत्यु भएको छ ।
यस्तै कृष्णपुर नगरपालिका–५ का ५१ वर्षिय पुरुष र बझाङ जिल्लाका ८७ वर्षिय पुरुष गरि ६ जनाको मृत्यु भएको स्वास्थ्य कार्यालय कञ्चनपुरले जनाएको छ ।